عید الاضحی کے تہوار کی مناسبت سے شاملی کلکٹریٹ میں میٹنگ منعقد

شاملی(صہیب قاسمی) شاملی کلکٹریٹ میں پولیس و انتظامیہ۔ ائمہ صاحبان اور سماجی کارکنان کی مشترکہ میٹنگ منعقد ہوئی۔جس کی صدارت ڈی ایم شاملی رووندر سنگھ نے کی ۔جس میں تمام تھانہ انچارجوں کو ہدایت دی گئی کہ وہ مذہبی مقامات کا جائزہ لیں اور اس بات کو یقینی بنائیں کہ قربانی پہلے سے ہی طے شدہ جگہ پر ہو۔کوئی نئی روایت قائم نہ ہو ۔ممنوعہ مویشی کی قربانی نہ ہو اور مویشیوں کے باقیات فضلہ کا خاص خیال رکھا جائے۔اس موقع پر پولیس کپتان ابھیشیک نے ذیلی حکام کو ان جملہ امور کی ہدایت دی اور کہا امن قائم رکھنا ہم سب کی مشترکہ ذمہ داری ہے۔انہوں نے بجلی پانی کی فراہمی کو بھی یقینی بنانے کی ہدایت دی۔اس میٹنگ میں جمعیۃ علماء کے ضلع صدر مولانا محمد ساجد قاسمی۔مولانا محمد طاہر امام خطیب جامع مسجد کیرانہ۔مفتی حذیفہ نجم تھانوی کے نمائندے محمد فیضان اور امام آصف تھانہ بھون۔محمد فیضان وغیرہ شامل رہے۔اسی کے ساتھ ضلع کے بیشتر  پولیس افسران اور انتظامی افسران بھی موجود رہے۔